Universitet tarixi
Turkiy davlatlar xalqaro universitetini Toshkent shahrida tashkil etishning huquqiy asosi — O‘zbekiston Respublikasi Prezidentining 2025-yil 24-yanvardagi PQ-24-son «Turkiy davlatlar xalqaro universitetini tashkil etish to‘g‘risida»gi qarori.
Ta’limni tashkil etish
Qarorda 2025/2026 o‘quv yilidan ta’lim jarayonini xalqaro reytinglarda birinchi 1000 talikka kirgan, shuningdek o‘z yo‘nalishida yetakchi bo‘lgan Turkiya oliy ta’lim tashkilotlarining o‘quv dasturlari asosida tashkil etish belgilangan.
Qarorning 3-bandida universitet Respublika oliy ta’lim kengashi hamda Turkiya oliy ta’lim kengashi muassisligidagi nodavlat oliy ta’lim tashkiloti sifatida belgilangan. Qarorda ta’lim faoliyatini tegishli litsenziya olingandan so‘ng amalga oshirishga ruxsat berilishi qayd etilgan.
Maqsad va asosiy yo‘nalishlar
Qarorda turkiy davlatlar o‘rtasidagi siyosiy, savdo-iqtisodiy va madaniy-gumanitar aloqalarni kengaytirish, ta’lim, ilm-fan va innovatsiyalar sohasidagi hamkorlikni mustahkamlash hamda ilg‘or xalqaro tajriba asosida malakali va raqobatbardosh kadrlar tayyorlash maqsadi belgilangan.